كان لازم صوتنا
يوم يوصل ويتسمع
مهما قابل من
حواجز واتمنع
اه........
عيشونا سنين اموات
فهمونا الصح اننا
منعرفش غير السكات
قلبوا لنا الايه
وصدقنها وافتكرنا انها
بقت كدة طريق الهداية
بس.............
احنا لسة فينا روح وعايشين
اه ........
تعبنا كتير
وفضلنا ياما مستحملين
لكن ........
مامتناش واحنا
لسة على قيد الحياه
ولا.....
توهنا ف السكة
واحنا عارفين الاتجاه
جة وقت لازم
كل اللى كان مقلوب
يتعدل
يعنى مش هنطاطى تانى
ونقول ماهو دة المكتوب
وايه العمل
كل دة كان زمان
اتاكدت من كدة
يوم ماكنت ف الميدان
يوم ماقررت ماتبقاش ذليل
ورفضت وانت مفتح
يتقال عليك ضرير
وعرفت ان مشاكلك كلها محلولة
لو فضلت حافظ الايه صح وخليتها
معدوله
